كود كريم الشركي///

نشرت صحيفة “بوبليكو” الاسبانية، مقالا على المغاربة اللي حاصلين فمليلية، وخصوصا اللي حاصلين حدا المقبرة الاسلامية بعدما لقاو مراكز الايواء الاستثنائية عامرة.

الصحيفة هضرات على بنت مغربية سميتها منية فعمرها 25 عام، جراو عليها من الدار لي كانت خدامة فيها فمليلية ولقات راسها واحلة فوسط المدينة، وبسبب أن مراكز الايواء عامرة، مشات لحدا النقبرة الاسلامية لي كاين حداها جامع،طبعا لقات سبعين واحد سابقها تماك.

الناس لي تماك رجعو كيباتو فشاحنات التبريد لي تبرعو بيها اصحابها للعالقين باش يباتو فيها احسن مايبقاو فالزناقي،في حين سلطات مليلية والسلطات المغربية ماداروش شي اجراءات لحماية هاد الناس.