نجوى المالحي – كود //
برنامج “ستاند آب” لي وصل لعامو الخامس، كيطنز على المغاربة.
البرنامج تصور هادي 2 سيمانات في استوديوهات نواحي بنسليمان. لكن ملي بدات “الأولى” كتعرض في البرايمات كيقولو للمتفرجين (كتبو لينا رسائلكم وغادي نتفاعلو معاكم مباشرة). كيفاش؟ الخيال العلمي هو هادا.
التبركيكة لي جابت “كود” أن الحلقات مصورة ومسالية ومقادة. بقات غير الحلقة النهائية لي غادي دوز فعلا مباشرة.
البرايم الأول ديال البرنماج غادي يدوز هاد السيمانة، والضيوف هما التوام هناء وصفاء، وبان من الستوريات ديال الطاقم أنهم جابو حتى فاتي جمالي باش تغني ليهم أغنية، بحالا المغنيين ديال بصح انقارضو.
