كريم الصوفي – كود //
[email protected]

ذكرت مواقع إخبارية إيطالية، أن مصالح “الكارابينييري” شدات شخص كيحمل الجنسية المغربية، بسبب عملية احتيال على مالك سيارة فاخرة من طراز “مازيراتي ليفانتي”.

هاد الشي وقع في أكتوبر 2020، بعد ما شاف المغربي إعلان بيع الطوموبيل واتصل بمولاها ودار معاه موعد باش يتلاقاو ويناقشو الصفقة.

و فعلا تلاقاو بساحة شيراسكو. المغربي غير طلع باش يجرب الطوموبيل، عفط وعلق بيها وخلا مولاها ما فاهم والو..

من بعد 5 أشهر، قدرات مصالح “الكارابينييري” تتعرف على هوية المغربي من خلال أنظمة كاميرات المراقبة بالشوارع ولقاو الطوموبيل بزاف ديال الحوايج فيها مبدلين حتا الوراق وكان غادي يبيعها خارج الطاليان..

https://www.lastampa.it/cuneo/2021/03/27/news/con-la-scusa-di-provarla-scappa-con-una-maserati-in-vendita-smascherato-dalle-telecamere-e-arrestato-1.40079745