مصطفى الشاذلي ـ كود سبور ///
الوداد مازال فمقدمة البطولة. الحمرا بعدما خسر فالديربي رجع مزيان فالجولة ال 26 من الدوري المغربي للمحترفين. ربح ب3 لزيرو الشباب الرياضي السالمي، فماتش اليوم تلعب فملعب محمد الخامس بكازا.
ماركات الوداد بكري. فالدقيقة 9 كان مولاها مبينزا. بعدها فالشوط الثاني ماركا يحيى جبران البيت الثاني من بيلانتي ف61.
وزاد بديع اوك الثالث فالدقيقة 76.
الوداد ربحات رغم الاغراءات لكبيرة اللي تقدمات لحد السوالم باش على الاقل يتعادلو. كلشي ما نفعش مع الحمرا اللي كانت مساندة بشكل كبير بجمهورها
الوداد عندها دابا 56 نقطة. مؤقتا هارب على الراجا ب4 نقاط. حتى ايلى ربحات الخضرا فماتش ديالها بدا قبل قليل مع المحمدية غادية تبقى الوداد هي اللولى بنقطة وحدة
