مصطفى الشاذلي – كود سبور//

سفيان البقالي، العداء المغربي المختص في 3 ٱلاف متر موانع جا الثاني في ملتقى فان دام ببروكسيل في نهائي العصبة الماسية لألعاب القوى المنظمة من طرف الاتحاد الدولي.

البقالي دار سباق مزيان بزاف وخانتو الأمتار الأخيرة، واكتفى بالمركز الثاني ب8 دقائق 7 ثوان و8 جزء من المائة، فيما احتل الإثيوبية حيتينيت والي الصف الأول.

وضيع العداء المغربي على راسو 50 مليون، لي كان غادي يربح كون فاز بالسباق.

وكان البقالي فاز بسباق العصبة الماسية لباريس قبل 15 يوم، وفاز بالميدالية البرونزية في الألعاب الإفريقية بالرباط.
دابا خاص البقالي يستعد مزيان لبطولة العالم بالدوحة لي غادي تبدا نهار 26 في الشهر جاي.