نجوى المالحي-كود//

تقليل من قيمة المرأة حاجة مرفوضة في الدول المتقدمة، وحنا مازال كل واحد وفمو شنو كيقول.

واحد سميتو ربيع الصقلي عندو شي بركة ديال المتابعين في انستكَرام، كان ضيف في برنامج في الراديو وبلا حشمة بلا حيا وصف الممثلات لي كبارات في السن ب”الميمات”.

https://www.instagram.com/p/Bxf5DbXg6Hy/?utm_source=ig_web_button_native_share

الصقلي لي بقا المذيع عادل حجام كيضحك معاه قال كلمة “ميمة” كثر من 3 ديال المرات وهو كيدوي على الممثلة أحلام الزعيمي لي كبر منو في السن، وملي عرف راسو زبلها قال “كنقول ليهم ميمات حيت كبر مني في السن”.

ماعرفناش هاد ربيع علامن كيضحك، واش على المستمعين ولا لي حاضرين معاه في البلاطو ولا على راسو هو نيت بهاد قلة الاداب والاحترام للمرأة.