فدوى ديدوش-صحفية متدربة-كود//
من ديما كانت كتجمع بين المؤسستين الملكيتين المغرب وبريطانيا علاقة وطيدة وتاريخية كترجع لأكثر من ثمانية ديال القرون، وتحديدا فاش بعثات الملكة إليزابيث الأولى سفراء للدولة السعدية في المغرب في عهد السلطان أحمد المنصور. وكذلك كاينة علاقة دافئة كتجمع بين الاسرتين الملكيتين المغربية والبريطانية.
زيادة على هذا حسب ماجا فامجلة “FDM”، الأميرة لالة عائشة، بنت الملك محمد الخامس، وأخت الملك الحسن الثاني، اللي عينها سفيرة فالندن . كانت احد المساهمي فا توطيد هاد العلاقات، بحيث انها كانت صديقة وقريبة بزاف من اخت الملكة اليزابيث، مارجريت اليزابيث.
الأميرة لالة عائشة، اللي تزادت عام 1930, كانت على عكس باقي الاميرات المغربيات، مختلفة بزاف حيث كانت أول اميرة غيبان وجهها واول اميرة غتلقي خطاب قدام الناس . الأميرة كانت ناشطة نسوية مهدات الطريق للاجيال اللي جاو موراها ودافعات بزاف على تعليم المرأة وحريتها.
كانت ايضا كتشارك فالنشاط السياسي، وتعرفات بزاف بالحرية ديالها والاستقلالية والستايل الاوروبي وخصوصا انها كانت امرأة وأميرة كتكمي وكتمشي بلا حجاب ففترة الخمسينات.
