نجوى المالحي-كود//
من نهار قرار متابعة البلوكَوز أسماء العمراني في حالة سراح بعدما اعتاقلها البوليس في قضية الفيديو الشهير لي دارت في انستكَرام وعيرات فيه الأطباء وقالت أنهم كيقتلو الناس المصابين بكورونا بلعاني، غبر ليها الأثر واختفت عن الأنظار.
العمراني لي كيتابعها كثر من 660 ألف واحد في انستكَرام قررات أنها تقاطع الموقع وتبعد ودير اعادة النظر، خصوصا أنها تصدمات ومكانتش كتوقع أنها غادي تشد وتوصل القضية حتى للمحكمة.
والتبرگيمگة لي جابت “كَود” أن 3 أيام لي دوزاتهم العمراني عند البوليس تسببو ليها في أزمة نفسية، وضربو ليها خدمتها كاملة والصورة ديالها في الزيرو. وفقصتها زادت كبرات بعدما خواو بيها الناس لي دايرين بها.
لي وقع أنه ملي دارت الفيديو الأول وهجمو عليها الناس ونتاقدوها ناضو شي وحدين كيشعجو فيها ويحطو في تصاورها، وملي وصلات القضية عند البوليس كلشي رجع اللور ونكرها.
