كريم الصوفي – كود//
يواجه متهما مغربيا ف اسبانيا حكما بالسجن 28 عاما بسبب اتهامه بالاغتصاب المتكرر لشابة في بلدة في “فال داليدا” لمدة عام تقريبا حتا حملات منو.
وحسب تقارير اخبارية، الضحية لي عندها 26 عام لا تعاني من أي نوع من أنواع الإعاقة العقلية التشخيصية، لكن الأطباء الشرعيين قدمو شهادة في المحاكمة أثبتوا أنها تتمتع بشخصية “انطوائية وخاضعة”، وهاذ التقرير الطبي خلا المحكمة تشدد مع المتهم بسبب شبهة استغلاله الضحية، والبوليس حتا هما لقاوه مسمي الضحية في التيلفون ديالو ب “الحمقاء” ومقدرش يفسر علاش..
وحسب تفاصيل القضية لي كتعود إلى أكتوبر 2017، المتهم والضحية تلاقاو في محل ديال الحوايج ف سوق محلي. وحسب رواية صاحبة الشكاية، تبادلا أرقام الهواتف، جات عندو للدار بعد ما تصل بيها باش يوريها كوليكسيون ديال لحوايج جداد وجات عندو كان بوحدو وغير بغات تمشي على حساب كلامها، شدها المتهم صحة واغتصبها بعد تهديدها بجنوية حطها على عنقها.
وحسب التقارير ذاتها، اجبر المتهم الضحية على ممارسة الجنس لمدة شهور تحت التهديد بالقتل ودون استخدام الواقي الذكري، وحسب مذكرة المدعي العام، شي مرة اغتصبها رجل اخر كيعرف المتهم..
وخلال محاكمة المتهم لي عندو 39 عام، قدام محكمة مقاطعة فالنسيا، نفى إجباره الضحية على ممارسة الجنس واكد ان العلاقة ديالهم كانت قريبة من الخطوبة وتلاقاو تقريبا مرتين أو ثلاث مرات في الأسبوع لممارسة الجنس وهي لي بغات تحمل منو. المتهم زاد ان شكاية الضحية كيدية والسبب ديالها الغيرة ديالها مني شافتو مع بنات اخرين..