كود سبور//

تسبب إقصاء منتخب إسبانيا من ثمن نهائي كأس العالم قطر 2022 الثلاثاء اللي فات، على يد المنتخب الوطني المغربي فإقالة الناخب الإسباني لويس إنريكي.

وعلن الإتحاد الإسباني قبل لحظات من اليوم الخميس، على نهاية علاقتو بالمدرب لويس إنريكي وبلي اتصلو به وقالو له انهم غادي يبداو مشروع جديد فمنتخب إسبانيا، وشكروه على الخدمات اللي قدم لمنتخب بلادو من 2018 حتى لكأس العالم 2022، وتمناو له التوفيق هو والطاقم التقني ديالو فالمستقبل المهني ديالهم.

وكان المنتخب الاسباني بقيادة المدرب لويس إنريكي خسر مع المنتخب الوطني المغربي بالبيلانتيات وودع كأس العالم قطر 2022، فالوقت اللي غادي يلعبو الأسود مع البرتغال فثمن النهائي، مع العلم أن لويس إنريكي هو ثاني مدرب كيتسبب المغرب فنهاية العمل ديالو حيث نفس البلان وقع مدرب بلجيكا روبيرتو مارتينيز اللي قدم استقالتو من بعدما ودعت بلجيكا كأس العالم 2022، من دور المجموعات وكانت خسارتها مع المغرب فالجولة الثالثة سبب مباشرة.