نجوى المالحي-كود//
من بعد كثر من 4 سنين على التخاصيمة بين المغني أحمد شوقي والمنتج العالمي ريدوان، رجع هاد الأخير كيخدم مع ولاد البلاد.
نادر خياط aka ريدوان لي كيخدم مع ليدي كَاكَا وجنيفر لوبيز ولاكريم ديال المغنيين في العالم، تعامل مع المغني نعمان بلعياشي بأغنية سميتها “أديوس” ولي قدموها في متاجر “يان آند وان” في موروكومول.
البارح عوتاني المغني أمينوكس لي كان في حفل في نفس المول قال في لقاء مع الصحافة انه كيوجد الجديد مع ريدوان لي لاقاه مع نجم كبير غادي يغني هو وياه وغادي يخرج هاد الشهر .
وكان ريدوان قرر يحبس الخدمة مع المغاربة من بعد ما فرتكها مع أحمد شوقي ولكن كيبان حاليا أنه بدا صفحة جديدة.
