الوالي الزاز -كود- العيون ////
كلشي فهاد المباراة الإستعراضية لي فملعب الشيخ محمد لغظف كان مرون وبلا أي معني.
الوالي الزاز -كود- العيون ////
كلشي فهاد المباراة الإستعراضية لي فملعب الشيخ محمد لغظف كان مرون وبلا أي معني.
نقطة الضوء الوحيدة لي كاينة فهاد ماتش “الكَالا” هو إعتماد طاقم تحكيمي من ولاد التراب ولاد العيون، حيث أدارها طاقم مكون من الحكم الرئيسي الحنفي السعد، وابراهيم الكاسمي وفاطمة الزهراء بشار كحكام شرط، و عبد الصمد بوطيب كحكم رابع، بالإضافة لفضيلي سلامة كمندوب للمباراة.
هاد الطاقم الشاب يستاهلو يديرو ماتشات أكبر من المباراة الإستعراضية بين نجوم العالم وإفريقيا السابقين، ويكونو فالمستقبل من أحسن الحكام على المستوى الوطني ومازال قدامهم مسيرة طويلة نشوفوهم فمقابلات الوداد والرجاء وفالمحافل الدولية.
طاقم الحكام الشباب من ولاد العيون كان فالمستوى وأبان عن كفاءة ومهنية عالية فالتعامل مع المباراة وهاد النجوم العالميين وعكسو صورة إيجابية على ولاد العيون لي خاصهم الناس المسؤولة تثق فقدراتهم.