الرئيسية > كود سبور > الرجاء مقدهمش افسخو العقد مع القديوي بغين احيدو ليه تى لفلوس ديالو
12/09/2017 00:59 كود سبور

الرجاء مقدهمش افسخو العقد مع القديوي بغين احيدو ليه تى لفلوس ديالو

الرجاء مقدهمش افسخو العقد مع القديوي بغين احيدو ليه تى لفلوس ديالو

كود أحمد الطيب//

قرر فريق الرجاء الرياضي اوجد ملف من أجل باش ادافع على راسو أمام لجنة النزاعات بالجامعة في القضية ديالو مع اللاعب ديالو يوسف القديوي، لقرات لجنة الرخص بالجامعة أنها تلغي العقد ديالو مع الرجاء.

حسبان باش ميخليش القديوي اياخد مليار و200 مليون لكيتسال قرر باش امشي لجنة النزاعات ودافع على الموقف ديالو وحاول احيد لفلوس لقديوي واخا انقص ليه غير شي حاجة.

واخا حسبان مخلصش القديوي من نهار جا معطاه حتى ريال، ومعطاهش راتب ديال أربعة أشهر، مازال باغي تمشي اخرج عينيه في الجامعة وقوليهم القديوي ميستحقش هادوك لفلوس، وغادي احاول اخلي ليه غير شي حاجة قليلة.

حسبان باغي اقول لجنة النزاعات القديوي ملعب والو مع الرجاء، وكان كياخذ 450 مليون سنتيم في العام، أغلى لاعب في الفرقة بلا فايد، لأنه العام الأول توعت والعام الثاني در عملية جراحية ولعام الثالث هو لفسخ فيه العقد ديالو.

وكان القديوي نفى باش تكون الجامعة فسخات العقد ديالو وأنه متوصل بوالو في تصريحات صحافية، وباقي كيدرب مع الرجاء حتى تجيه شي ورقة من الجامعة.

موضوعات أخرى

16/12/2018 08:00

والي جهة العيون باغي يشعل القَبَلِية فالصحرا. ها كيفاش بغا يتحكم فمهرجان الفيلم الوثائقي لي غادي يدار فالعيون وكيفاش فرض ولاد عمو صحة على المركز السينمائي