هناء ابو علي – كود ///

مولاي حفيظ العلمي كان قريب ياخذ وزارة الصحة، ولكن اعتذر على المنصب وعلى اي منصب اخر.

حسب مقربين منو فهو كيآمن باللي الواحد ايلى دوز ولايتين فحكومة باسم شي حزب باراكا عليه، “خاص يعطي الفرصة لجيل جديد”، يشرح المصدر لـ”كود” .

المصدر قال لـ”كود” باللي تعيين مدير ديوانو على رأس وزارة كان فيها: التجارة والصناعة، راه كيعني باللي خدم ووجد الخلف.

مولاي حفيظ العلمي، يضيف مصدر “كود”، مع فكرة انو ممكن تدعم الحكومة وحزبو وماشي بالضرورة من الداخل. اي انو غادي يخدم من موقعو على دعم هاد الحكومة اللي كيرأسها صديقو اللي كيعرفو هادي 40 عام.