رئيس اتحاد العاصمة صدم الكابرانات: المغاربة استقبلونا مزيان وكنشكروهم وغانلعبو الماتش مع بركان
كود كازا //
قضية تسميم مواطنة سويسرية من أصل مغربي وراجلها دخلات الصح بعد قرار قاضي التحقيق بمحكمة الاستئناف بآسفي لاخضاعهما لخبرة طبية غادي يتكلف بها المختبر الوطني للدرك الملكي خاصة بعد ما بدات كتبان عليهم أعراض الفشل الكلوي.
لحدود الان القضية كنعرف متابعة خادمة منزلية وموظفين جماعيين بآيت سعيد بالصويرة وعطار وشخص آخر ، بمن فيهم رئيس البلدية. هاذ الشي كامل بسباب اعمالها الخيرية وتزايد شعبية السويسرية وراجلها عند ساكنة الجماعة والتخوف من نزولها للانتخابات مستقبلا وفوزها بها بسهولة حسب اعترافات متهمين.
القضية تفرشات بعد شكوك السويسرية وراجلها في الأعراض المرضية اللي جاءهم بجوج. شكو في الخدامة اللي كتطيب ليهم. دارو راسهم مسافرين وزرعو ليها في التيلفون شي بيس كتسجل كلشي، وبالفعل لقاو السيدة كتنسق مع مجهولين وكتاخذ من عندهم خلطة تديرها في الماكلة. وبعد مواجهتها اعترفت بكلشي قدام الجدارمية وتشد العطار والموظف الجماعي وشخص آخر واعترفوا بأن القضية عندها علاقة بالانتخابات ورئيس الجماعة هو اللي خطط لكلشي..