26/04/2024 08:00
قفروها الكابرانات على لالجيري: القضية ما فيهاش غير 3 لزيرو.. خطية قاصحة كتسناهم بسبب ماتش بركان والمنتخبات والأندية الجزائرية مهددة ما تلعبش عامين
نجوى المالحي- كود//
مازال المشاكل واقعين في التعاضدية ديال الفنانين اللي المقر ديالها في مرس السلطان وسط كازا، وهادشي بعدما الوزارة صيفطات متصرفين ديالها يشدو التعاضدية بسبب الروينة اللي دارها المكتب المنتخب.
والتبرگيگة لي جابت “كَود” من مصادرها، كتقول أن الحسين الشعبي بصفته نائب رئيس التعاضدية رفع دعوى قضائية وحط فيها كل من رئيس الحكومة سعد الدين العثماني، ووزير الشغل محمد أمكراز والمسؤولة المالية في التعاضدية.
الحاج يونس لي كان هو الرئيس قبل ما يحط الاستقالة ويتراجع عليها حتى هو بدورو رفع دعوى قضائية كيقول فيها انه ما عند حتى واحد الحق يتصرف في الأمور الإدارية ويصادق عليها من غيرو هو، باعتبارو الشخص المنتخب.