كود الرباط ///

علي العسري برلماني البي جي دي مول الزبلة ديال سبان بغباء وتخلف خرج كيعتاذر. كتب تدوينة قال فيها “اعتذر” واضاف باللي كتب تدوينتو ودارت ضجة مفتعلة وانها “عادية من مواطن حر” كيحتارم الانسان. طبعا هاد لشي كذوب حقاش باين عليه ما شي حر. جبدو ليه ودنيه وهو يخاف وثانيا ما كيحتارمش الانسان بل غير الانسان اللي بحالو دينيا ومتخلف فكريا.

السيد قال باللي كيمقت التطرف وجندي ضد الغلو والانغلاق وان مضمون تدوينتو بريء وباللي ما طلب منو حد يعتاذر. اعتاذر للبلجيكات وللجمعية اللي جابتهم وختم باللي ما غاديش يرجع للموضوع.

دابا كون غير كتبتي جوج كلمات اعتذر مزيان ولكن توضيحاتك فضحاتك. انت كتبتي “فهل …رسالتهن من ورش٬ محمود ظاهريا٬ هدفنا انساني ام شيء اخر من منطقة لازالت معروفة بمحافظاتها واستعصائها عن موجات التغريب والتعري”.

هذا كلامو وقال ليك جندي من جنود الغلو. راسك غير جنس وعرا وشوهتي بلادك وخرجتي عليها ومازال ما حشمتيش.