نجوى المالحي-كود//
الرابور عمر السهلي المعروف بديزي دروس خرج الأغنية جديدة ديالو من بعد ما صورها وسجلها هادي عام دابا. الأغنية “Air max” ضربات مليون ونص ديال المشاهدات في يوماين وشدات البلاصة الثالثة في طوندونس اليوتوب المغربي.
ديزي المعروف ب”عزي عندو ستيلو” ختار يطلق الأغنية النهار لي كان عندو السهرة في “البولفار” ولي كانت شاخدة ديال بصح والجمهور كان حاضر وكلشي تفاعل معاه.
وقال ديزي ان الاغنية مصورة فيديو كليب ومسجلة عام دابا، غير مشاكل في الكونترا لي خلاوها تعطل وجات مع هاد الوقت نيشان.
واخر بلان كان دار ميستر كازا فونيا هو كلاش “المتنبي” لي جاوب فيه على البيگ لي كان جبدو في اغنية 170kg.
