كود – وكالات//

عبرات جانيت دياز، رئيسة شعبة الاستعداد للرعاية الصحية بمنظمة الصحة العالمية على المخاوف ديالها من ما يسمى ب”أعراض ما بعد كوفيد-19″، واللي قالت أنه ممكن يكون عندها تأثير على الصحة العامة.

هذ الأعراض، كتقول دياز، فحساب مقر الأمم المتحدة فجنيف على تويتر، أنه ممكن تكون طويلة المدى، أي بعد شهور، وتسبب العيا والعكَز فالعودة للعمل فبعض الحالات، وقالت أنه ترصدات أعراض غير متجانسة، اللي كتبان بعدما تم العلاج من كورونا فالمستشفى أو فالعناية المركزة.

"More common symptoms of the post-COVID-19 condition can be fatigue, post-exertional malaise, and cognitive dysfunction also known as the 'brain fog'," explains Dr Janet Diaz of @who. "This can happen a month after, 3 months after or even 6 months after the illness." #LongCovid pic.twitter.com/guGTGaLPcS

— UN Geneva (@UNGeneva) February 12, 2021

ومن اكثر هذ الأعراض شيوعا، حسب دياز، كتبان بعد 3 حتى ل6 أشهر بعد التعافي، وهي الشعور بالعيا والتعب الشديد بعد المجهود البدني، وهذا كيتسمى “الضبابية في الدماغ”، أو “متلازمة ما بعد العناية المركزة”.

وقالت أن حتى اللي مادخلوش للعناية المركزة وتعالجو غير فديورهم كيمكن يعانيو من نفس المضاعفات لفترات متقطعة وبشكل خفيف، بالإضافة لضيق التنفس والسعال ومضاعفات على الصحة النفسانية والعصبية.

وقالت الدكتورة انه مامعروفش سبب هذ الأعراض ومضاعفاتها وشنو هي الفيزيولوجيا المرضية لهذ الحالة ومسببتها، لكن أشارت لأن الباحثين كيخدمو بكل جهدهم باش يعرفو آش كاين.