وكالات //

رجعات فرقة “البيتلز” لدائرة الضوء، وغادي يتم الشهر الجاي عرض فيلم وثائقي، وكان سيمانة اللي فاتت خرج كتاب بعنوان “كَيت باك” (Get Back) فيه حوارات بين أعضاء الكَروب في الأستوديو عام 1969، اللي كان هو العام الفعلي الأخير للرباعي الشهير.

والبارح الجمعة خرج ألبوم “ليت إت بي” (Let it be) في بواطة خاصة بالذكرى الـ50 لإصداره الأصلي، اللي كان مقرر يخرج العام اللي فات لكن جايحة كورونا خربقات كلشي.

و”كَيت باك” هو الإسم الأصلي ديال الپروجي اللي تجمعات عليه الفرقة وسجلو الأغاني في الأستوديو في لندن شهر يناير 1969.