كود الرباط //
حضور باهت لممثلي جبهة البوليساريو الانفصالية في فعاليات المنتدى الاجتماعي العالمي المنظم بدولة المكسيك تحت شعار : “عالم آخر ممكن”.
وحسب صورة حصلت عليها “كود”، ففي ثاني أيام المنتدى الإجتماعي العالمي 2022 بالعاصمة المكسيكية مكسيكو ، كان الحضور باهث لجبهة البوليساريو، وحتى واحد ماحضر ليهم للورشة اللي إحتضنها Palacio de Mineria.
هاد المنتدى لي كيكون كل عامين، شاركو فيه فعاليات مدنية مغربية ضمن أكثر من 30 الف ناشط وناشطة لي حضرو من العالم.
وقال مصطفى تاج، الكاتب الوطني للشبيبة المدرسية، لي فالوفد المغربي، ل”گود” بأن المشاركة المغربية تميزت بعدة أنشطة سواء في مجال حقوق الإنسان، أو قضية الوحدة الترابية.
وأفاد المتحدث أن السفير استقبل البرلمانيين وممثلي الشبيبات ضمن الوفد المغربي لي فيه تقريبا 150 مشارك، مضيفا “في المقابل مشاركة البوليساريو والدزاير كانت ضعيفة بزاف، عكس ما توقعنا بالنظر للإنجازات اللي حققت الدبلوماسية المغربية”.
وأوضح تاج لـ”كود” :” اليوم عندهم ندوة باهتة، عطيناهم النخال واخا بغاو يركبو على القضية الفلسطينية فالمسيرة لي كانت البارح”.
وشدد المصدر نفسه بالقول” شفناهم بغاو يركبو على القضية الفلسطينيين”، مضيفا” بقاو بوحدهم حتى الفلسطينيين معانا”. وبالرغم من الموقف المكسيكي المؤيد للبوليساريو، إلا أنه حتى واحد ماسوق ليهم.