عمـر المزيـن – كود///

شهد حي تراست قلب مدينة إنزكان، ليلة الأربعاء – الخميس، جريمة قتل بشعة مشا ضحيتها ضابط شرطة كيخدم فعاصمة النخيل مراكش. مصادر “كود” قالت باللي الهالك كان جا غير عن العائلة ديالو لإنزكان بمناسبة عطلة العيد.

تفاصيل هاد الفاجعة، حسب المعلومات التي تتوفر عليها “كود”، تعد إلى تدخل الضحية لإنهاء شي شجار وقع بين جوج ديال الناس حدا دار عائلتو بسبب “سوء الجوار”، سرعان مجات فيه الضربة بواسطة سلاح أبيض على مستوى العنق وطاح متأثرا بجروح خطيرة.

هاد الضابط مسكين تهز بالزربة لمستشفى الجهوي الحسن الثاني لكنه مات تما وخلف موراه صدمة كبيرة وتعاطف واسع من طرف رواد مواقع التواصل الاجتماعي.