نجوى المالحي – كود //
كشفت الماكيوزة صونيا النكادي على أنها هي لي دارت الماكياج للالة نهيلة بنت الأميرة لالة أسماء في عرسها اللي علن عليه القصر الملكي، يوم عيد الحب اي في 14 فبراير لي فات.
وكتبت صونيا تعليق على التصويرة ديال لالة نهيلة وراجلها علي الحاجي لي حطات في حسابها على انستكَرام، وقالت “فرحتي ما عندها حتى ثمن حيت كان ليا الشرف نصاوب الماكياج للأميرة لالة نهيلة.. ألف مبروك للعروسين”.
صونيا النكادي ماشي أول مرة كتدخل للقصر الملكي، وتقاد الماكياج لنساء القصر، حيت سبق ليها دارت الماكياج للأميرة أم كلثوم، مرات الأمير مولاي رشيد.
