كود كازا//
الكويتي مصعب العنزي لي كيقدم راسو كسفير للأغنية المغربية دار فيلم وثائقي على استقلال المغرب شارك فيه مصطفى العلوي، وغادي يحطو في اليوتوب نهار الجمعة 11 يناير.
العنزي مول “الملحمة” لي جمع فيها عرام ديال المغنيين هادي 4 سنين، ودار الضحك فينا، خلا الأغاني على المغرب وداز للأفلام كاع.
المصيبة فهادشي أن الأعمال ديالو ديما كينتاقدوها، ولكن هو ممسوقش، وكيتعلا بالصديق ديالو الأمير مولاي اسماعيل حيت هو لي كيشجعو.
السؤال لي خاص يجاوب عليه الكويتي لي عندو الوسام الملكي، واش كاين شي واحد كيعرف المغرب كثر من ولاد البلاد؟
خايبة حتى لتعاويدة أن “شاعر” كويتي هو لي يدوي على استقلال المغرب ف 11 نونبر لي كيتعتابر تاريخ مهم.
