كريم الشركي-كود///
الحرس المدني الاسباني نقذ هاد الصباح، الثلاثاء، 7 دالحراكة مغاربة، كانوا خرجو فباطو صغير من سواحل الحسيمة.
وقال الحرس المدني ان الحراكة اللي خرجو من الحسيمة وحصلو قبالة سواحل غرناطة على بعد 12 كيلومتر من الشاطئ، حيث رصدتهم دورية الحرس، وكانو حصلوا فوسط الما بعدما تسالا ليهم ليصونص.
وتم نقل الحراكة السبعة لميناء موتريل، وقدم ليهم الصليب الاحمر الاسعافات، ودارو ليهم اختبار كورونا، وبعدها داوهم لمركز اللاجئين، باش من بعد تشوف المحكمة واش يترحلو او لا.
