الركراكي: هاد الساعة مركز مع المنتخب وباغي ندرب فأوروبا وإذا ما كتابش غانمشي للسعودية
نجوى المالحي-كود//
من نهار بدات قضية “حمزة مون بيبي” لي متورطة فيها دنيا باطمة هي واختها ابتسام، ومحكوم عليهم بجوج بالحبس، هي في حالة سراح وختها مشدودة في السجن، قررات المغنية تسد خاصية التعليق على حسابها في انستكَرام، وتخلي غير التفاعل من خلال اللايك.
هاد القرار حسب مصادر قريبة من دنيا لـ”كود”، جا لأن بعض الناس كيكتبو ليها تعاليق جارحة وهي دمها سخون، ومكتقدرش تصبر وكتجاوبهم، داكشي علاش قررات تسد التعاليق وتهني راسها.
وجات ولادة باطمة لبنتها الثانية لي سمات layla rose، مع موت عمها حسن باطمة، الأمر لي خلاها متحطش تصاور ولادتها في بروفايلها واكتفت بتسريب بعض الصور للصفحات، واخر بوسط لحد الان على حسابها هو ديال خبر الوفاة، وواحد عاد زادتو كدير فيه اشهار ديال المجوهارات.