تطوان كريم الشركي-كود///

قال مصدر مطلع ل”كود”، أن الفيديو الذي يجري تداوله ويظهر فيه الملك في يخته ببحر سبتة وهو يحيي مغاربة سبتة، جديد وماشي قديم.

وكان الفيديو اللي بثاتو مواقع اخبارية محلية فسبتة منوض الصداع. هاد المواقع قالت بللي السلطات خاصة لاگوارديا سيڤيل فتحات فيه تحقيق باش يعرفو واش جديد وفين تصور واش فالمياه الدولية ولا بحر سبتة المستعمرة

حسب ما توصلت بيه “كود” فهو ڤيديو جديد وباللي توصل قبل ايام. غالبا غادي يكون السيمانا اللي فاتت. وفق مصدر “كود” فان الامور مع الصبليون بخصوص المياه اللي كيتواجد فيها باطو سيدنا محسومة. كاين احترام كبير لكل طرف وكتكون السلطات الصبليونية على علم بتحركات باطو سيدنا.

هاد الشي لتفادي واقعة قلقات المغرب باش هادي سنوات شي حد من الحرس المدني الاسباني وقف باطو الملك حقاش ما عرفوش. وقعات ازمة فهاد القضية