كود كازا//

تسجلات اليوم 4115 إصابة بكورونا فالمغرب، وهكذا وصل الإجمالي لـ353803، بمعدل إصابة ديال 974,3 لكل 100 ألف نسمة، و11,3لكل 100 ألف نسمة فهاد 24 ساعة.

وحسب نشرة كوفيد19 اليومية اللي علنات عليها وزارة الصحة، اليوم الاحد، ماتو هاد النهار 50 شخص، ووصل الطوطال لـ5789، بنسبة فتك ديال 1,6 فالمية.

وبراو اليوم 3740 واحد، ووصل المجموع لـ302314، بنسبة تعافي ديال 85,4 فالمية.

بالنسبة للحالات النشطة فطلع عددها لـ45700 حالة، منها 1041 فحالة خطيرة او حرجة.

و103 من الحالات الخطيرة تسجل غير فهاد 24 ساعة، و91 منها تحت التنفس الاصطناعي الاختراقي، و488 غير الاختراقي، ونسبة ملء أسرة الإنعاش بلغات 36 فالمية.

واليوم تستبعدات 15065 حالة، ووصل مجموع الحالات السلبية 3585547.

وكتتوزع الإصابات والوفيات الجديدة على الجهات والأقاليم كما يلي:

وهذا المنحى الوبائي اليومي والاسبوعي:

وهذا منحنى الوفيات الاسبوعية: