كريم الشركي – كود //
قضت استئنافية القنيطرة بإدانة دركي برتبة “أجودان” بـ15 عام ديال الحبس، بعدما قتل شاب.
الحادثة وقعات فشهر أبريل الفايت، فباراج للمراقبة فمدخل مدينة مولاي بوسلهام، بعدما كان الضحية دايز هو وصاحبو بموطور، وبغى يهرب من الباراج ومايوقفش ولكن الجدارمي دار شرع يديه وضرب الهالك بالبلاكة ديال التشوير اللي كاتكون فالباراج وقتلوا فالبلاصة.
المحكمة ضربات جوج جوندارم كانو معاه فنفس الباراج ملي وقعات هاد الكارثة وبغاو يتسترو عليها، (ضرباتهم) بعامين ديال الحبس لكل واحد فيهم.