زمان التركية //

قالت جريدة زمان التركية ان بوليس بلادها شدات سائحة مغربية غرب تركيا هاد ليام والسبب “سبات رئيسها اردوگان. الجريدة هدرات علي انها قالت باللي تركيا “دولة ارهابية”

هاد السيدة برگگو بيها صحاب المتاجر اللي كانت كتشري من عندهم. المغربية كانت فحي جاميكيبر بولاية ايدن غرب تركيا٬ باش قالت هاد الشي على اردوگان وعلى دولتو٬ عيطو التجار للبوليس وجا وشدها.

دابا عندها تهمة اهانة الرئيس. هاد التهمة تحكمو بيها عدد من الاجانب والاتراك. كلهم فالحبس. يعني المغربية غادي يكون هدا هو مصيرها.

الغريب ان سفارة المغرب بتركيا ضاربة الطم ما هدرات عليها ما دارت ليها لا محامي لا والو لحد الان