وكالات //

من بعد الوفاة ديال الفنانة الميريكانية آن هيشي، فكسيدة خايبة ووصيتها باش يتبرعو بالأعضاء ديالها، ناضو المعجبين ديالها  كيقلبو على كتاب مذكراتها “Call Me Crazy” اللي نشراتها عام 2001.

وطلع الثمن ديال الكتاب مللي تعلنات وفاتها مباشرة ط لـ949 دولار، بعدما كان الثمن ديالو مللي خرج غير 26 دولار، على حسب ما قال موقع “ET” الفني.

الراحلة آن هيشي عاودات فمذكراتها على مراحل مؤثرة فحياتها الشخصية، واللي جات فمقدمتها معاناتها مع توازنها النفسي والعقلي، بعدما قالت أنها كانت مسطية مللي كانت عندها 31 عام.

وفنفس المذكرات كتعاود آن هيشي على الصدمة اللي جاتها بسباب إساءة المعاملة والفمع اللي تعرضات لو فالطفولة وأيضا علاقتها السابقة مع الكوميدية والمنشطة التلفزيونية المعروفة ألين دي جينيريس.