نجوى المالحي-كود//
الكوميدية كوثر بامحمد لي معروفة بكوثر بامو بدات كدير “لي فلوگ” في اليوتوب وكيوصلو لعدد مشاهدات كبيرة بحكم ان عندها 2.4 مليون متابع في انستكرام.
التبرگيگة لي جابت “كود” أن حتى فيديو فلاشين ماممكن يتحط الا بموافقة الأب ديالها لي كيشوفو كامل واذا اقتضى الأمر كيطلب منها دخل المقص وتقطع لقطات لي ممكن يجبدو الهضرة والانتقادات.
ومعروف على كوثر علاقتها القوية بوالدها لي تشهرات معاه بأول فيديوهات ومن بعد دخلات للكوميديا مع فرقة طاليس “ايموراجي”.
أول فلوگ دارتو مع ختها أمينة، وتشاف نص مليون مشاهدة، وفيديو لي عرفات به راسها حتى هو ضرب نص مليون، يعني الفلوس داخلة.
