نجوى المالحي-كود//

الممثلة المغربية مريم حسين خرجات فعلا من الحبس البارح الاثنين بعدما دوزات 10 أيام فيه في قضية هتك عرض الرابور الامريكي تايكَا لي رفعها عليها بكل تخلف ووقاحة الاماراتي صالح الجاسمي خو المغني حسين الجاسمي.

مريم خرجات من الحبس بعدما جاها عفو استثنائي حصلات عليه من الشيخ محمد بن راشد في هاد القضية لي قسمات الرأي العام، خاصة أن التهمة غريبة عجيبة ومتخلفة، ومريم كانت كتشطح بحالها بحال الملايين ديال البنات في دبي لي معروفة عليها بلاد النشاط والسياحة والحياة.

الخبر نزل على راس الجسمي كيف الصاعقة ودار فيديو كيدخل ويخرج فيه في الهضرة ومابغاش يكشف كيفاش خرجات مريم من الحبس.

وقال “أنا برآتني المحكمة وهي مدانة في قضية كتمس الشرف، وأي إجراء خداو في حقها من بعد الحبس هو قانوني”.