وكالات //

داع واحد الفيديو على السوشل ميديا فالعراق ومنطقة الشرق الأوسط، كيوثق مشهد مرعب ديال راجل كيتيري القرطاس فاتجاه بنتو، باش يستعرض مهاراتو فالتير بالقرطاس.

هاد المجرم قاليه راسو يوقف بنتو على بعد أمتار منو وقاليها تحط جاجة في فمها وهو غادي يتيري بالقرطاس ويضرب الجاجة بلا ما يقيصها هي.

الفيديو خلا الرأي العام فالعراق، وكل من شافو على السوشل ميديا، يطالب بتحديد هوية هاد المجرم ومحاكمتو بعدما عرض بنتو للخطر، بالإضافة لناس كثار تما طالبو بتقنين استعمال السلاح اللي كلشي ولا هازو فالعراق، والصرامة مع مخالفي القانون واستغلال براءة الدراري الصغار، وخا يكونو ولادهم، من أمثال هاد المعتوه.

فيديو مرعب .. اب #عراقي يطلق النار على زجاجة في فم ابنته pic.twitter.com/KskRbFdyrP

— زياد الحيدري (@ZAlhaydare) April 30, 2022