مصطفى الشاذلي – كود سبور//

مهدي بنعبيد، حارس المنتخب الاولمبي، ضرب لاربيط الغامبي عمر صالح بعد الماتش ديال المنتخب الأولمبي ومالي في إياب التصفيات الإفريقية المؤهلة إلى الألعاب الأولمبية بطوكيو 2020.

بنعبيد ارتكب خطأ كبير هو وعدد من لاعبي المنتخب لي تهجموا على لاربيط بعد الماتش، ولولا تدخل رجال الأمن لكانوا اللعابة ديال المنتخب فرشخو لاربيط.

دابا الكونفدرالية الإفريقية لكرة القدم دخلات على الخط وغادي تعاقب جميع اللاعبين المعتدين بمن فيهم الحارس بنعبيد لي ظهر في الفيديو كيضرب لاربيط.

مصادر قريبة، أكدت لي “كود”، أن العقوبة غادي تكون ثقيلة بزاف في حق الحارس بنعبيد، عقابا له على الخطأ الكبير لي ارتكبه في مباراة دولية كان من المفترض الحفاظ فيها على سمعة المغرب.

المشكل ما نتهاش عند هاد الحد، حتى الفتح الرباطي لي كيلعب فيه بنعبيد، ما تقبلش هاد الأمر وقرر استدعاءه للجنة التأديبية، وما شي بعيد توقغو لأجل غير مسمى وبالتالي غادي يضيع الرسمية ديالو. وأكثر من هاد غادي ينزل عليه بغرامة مالية على هاد التصرف الصبياني، لي ضر بسمعة الفتح.ق