وقاحة استغلال هاد الكلام قليل فهادوك اللي تلاعبو بصورة طفل باغي بوه يخرج من الحبس وغيرو مطلبو ورجعوه ضد ناصر الزفزافي.
هاد التلاعب اكتشفاتو برلمانية العدالة والتنمية سعاد الشيخي اللي كتبت تدوينة قالت فيها ان الصورة الاصلية للطفل آدم الرطمي ابن يوسف الرطمي أحد الشباب من معتقلي الفايسبوك بتهمة التحريض على الإرهاب على خلفية الإشادة بمقتل السفير الروسي. الطفل حملها للمطالبة باطلاق سراح والده اللي ماشي ارهابي.
غير هاد الشي رجع وتوظف ضد ما يشهده الريف من حراك.
دابا مشكلة الريف كلشي نساها اللي هي مطالبهم وعلاش وصلنا لهاد المرحلة وكلشي كيقلب على تخوين الزفزافي او غيرو. هاد الشي غادي يعطي نتائج عكسية وصافي