الركراكي: هاد الساعة مركز مع المنتخب وباغي ندرب فأوروبا وإذا ما كتابش غانمشي للسعودية
هند لكلاوي كود ربورطاج من تصوير ايس برس /////
شي وحدين كيف العادة دازو البارح فالطابي روج فافتتاح مهرجان مراكش الدولي للفيلم في دورته 16 بقصر المؤتمرات. جاو وفرحانين بريوسهم. كاين اللي فمسيرتو فيلم سينمائي عوج وكاين اللي ما عمرو دار فيلم ومع ذلك هاد الممثلين فرحانين بريوسهم. البارح هاداك الطابي روج كيعطيك صورة على المهرجان ككل. شوفو الصور مع بعض الاستثناءات لشي ممثلين محترمين. الباقي ما عندهمش حضور كاع فالسينما.
المصيبة باش عندها هاد الممثلين والمخرجين علاش وفالدورة 16 ما قدرناش نديرو افلام تشارك فالمسابقة الرسمية ديال مهرجان ظاهره مغربي مقام بمراكش؟ هنا كيبين بللي هاد المهرجان ما دار والو للسينما المغربية وباللي الممثلين والسينمائيين لمغاربة في عمومهم كيجيو غير يدوزو عطلة ويرجعو لديورهم شبعانين واكلين شاربين.
فهاد السياق احسن ما كان فالافتتاح هو هاداك العشا الباذخ. مزيان يكون الكرم مزيان تكون التهلية ولكن خاص علاش. التنظيم فرنسي والسينما المغربية ما كايناش علاش حادكين غير فالماكلة