جواد الأنصاري_ كود

—

إبراهيم الفقي كان عندو لهم ديال ان الناس كاملين يوليو ناجحين فحياتهم وعندهم الثقة في النفس وقوة الإرادة ويعطيهم مفاتيح النجاح مسكين …. ولكن اي واحد حاول يتبنى هداك لحزاق لي كيقول غادي ينهار بعد اول زيارة لأي مكتبة عربية من بعد ما يشوف الاكتساح ديال لكتوب ديالو لجميع رفوف المكتبات …. غادي يقول مع راسو كيفاش وااااحد لي في نهاية لمطاف ماقدرش حتى ينجح في حماية نفسه من غاز لبوطا جاز لي توفى على اثره  باغي الناس ينجحو وهو ماعاطيش تا شي فرصة نهائيا لواحد بحالو في نفس ميدانو ديال داكشي التخاريف التنمية الذاتية باش يدير شي بركة ويصور طريف ديال لخبز معه على ظهر لكوانب …وخا غا من باب شوية نكران الذات او صاحب لكرش لكبيرة غتفركع عليه .. ويني والو… صاحبنا كان مصر على انه طالما عطاتك ليام فدير كاطرياام …

موهيم وقس على ذلك بالنسبة لواحد فهامطور زمانه داير فيها مؤخرا محرر العبيد سبارتاكوس إسمو أبو شي حاجة لي كنعتبرو أنا بعدا من خلال واحد لجولة شرفية على ما يخربق اكبر مصرهط على وجه خريطة الويب المغربي بحيث ان السيد بارك طالقها  على الناس ديرو بحال ميلود الشعبي وخصكم تبداو ازيرو وتنجحو وخص الشباب يخدم ويردم ويبذل مجهود باش يوصل بحال رونالدو وبحال فلان وعلان  … ورا النظام اساس النجاح …وخص بنادم يعطي فرصة لخوتو… ويبغي العالم وكدا…ومني كتحل داك التخربيق ديال ماروك ويب اوردس …كتلقى خونا رمان معرش ليك فجميييييع الاقسام ديالو مرشح فيهم هو الاول …بما يعني وبما لا يدع لشك مجالا أن السيد الهدف ديالو الاسمى هو الماااااادة لي هيا علاش داير لفيلم كاااملو ..لا اقل ولا اكثر أما نتا طفرو ولا لهلا يجعل كي تطفرو ..هادشي لا يدخل ضمن تسوقاته…السيد غا مستغل النفوذ ديالو على الصعيد المتتبعين “لكوانب” و”سبونسوريزي”.. وبارك طالقها عليهم بديك “لفاميلا” فوتي عليا بليز .. ….

وكيتيري على ظهر لفاميلا مساكن فلفلوس بنفس داك لمنطق ديال الانتيخابات فين كيغبر علينا سعادة لمورشيح تاااا ليلة الحملة ولا قبل بشي اسبوع عاد كيبان ليك سي لمورشيح جاي على عودو كيشالي يا لالة …هاو يطلب ويزاوك …وصراحة ماشي غا هو كاين لعدييييد من النماذج لي مكتسحة لمشهد فلويب ومعظهم تقريبا كيتبى استغلال البعد الديني وداكشي ديال الوعظ والإرشاد   وكيصور بهم طرف ديال لخبز ..ويني خونا عرف من اين تأكل الكتف بعيدا عن الدين ومشا ليهم لبوان فيبل خرا لي هيا توجيه عن طريق الخطاب المدغدغ لمحاسيس باش يكونو ناجحين “بحالو” غير هو في اخر المطاف را بحال خيخي بحاال عيعي كلهم لقاو علامن يضحكو….

وفي لويب من السهل جدا تكندز على لبشري… خاصك غا شي “منصة إقلاع” ولي هي علاش طاح صاحبنا  ببساطة وأعلنها في وجوهنا مدوية أنا وحدي مدوخ لعباد وبووحدي غنضوي لبلاااد …