الرئيسية > تبركيك > كيفاش غتكون الإجراءات الوقائية فالحمام؟ ممثلة أرباب الحمامات لـ”كود”: غننظمو الاستقبال للحفاظ على مسافة الأمان والدخول بالكمامة إجباري
22/06/2020 14:00 تبركيك

كيفاش غتكون الإجراءات الوقائية فالحمام؟ ممثلة أرباب الحمامات لـ”كود”: غننظمو الاستقبال للحفاظ على مسافة الأمان والدخول بالكمامة إجباري

كيفاش غتكون الإجراءات الوقائية فالحمام؟ ممثلة أرباب الحمامات لـ”كود”: غننظمو الاستقبال للحفاظ على مسافة الأمان والدخول بالكمامة إجباري

عفراء علوي محمدي- كود//

مع قرار وزارة الداخلية بفتح الحمامات العمومية الأربعاء 24 يونيو، ارباب الحمامات بداو كيستعدو لاستئناف الخدمة، ولكن مع احترام الشروط والاجراءات الاحترازية والوقائية اللي فارضاها وزارة الصحة باش لتفادي انتشار فيروس كورونا المستجد داخل هذ الفضاءات.

فاطمة فدواشي رئيسة جمعية أرباب الحمامات، قالت فتصريحها ل”كود” بللي ارباب الحمامات فاتصال دائم هذ الأيام باش يتفقو على التدابير ديال السلامة الصحية اللي خاصها تدار من بعد استئناف العمل.

ومن ضمن هذ التدابير، كتقول فدواشي، بللي فالدخلوة غايكونو جوج ديال الطابيات معقمين لاستقبال الزبناء، المسافة الفاصلة بيناتهم هي متر، وغايكون أدوات تعقيم اليدين ومقياس الحرارة، وغيكون من الواجب على المواطنين الاحتفاظ بالكمامة عند الدخول، وحتى داخل قاعات الاستحمام.

وقالت بللي القابض اللي فلاكيس والسيدة المسؤولة على الفيستيار هوما ينظمو عملية الاستقبال باش يكون التباعد الجسدي بين المواطنين، و”الطاقة الاستعابية غنمشيو بيها بخمسين فالفنية ونلتزمو بالتعليمات ديال وزارة الصحة ووزارة الداخلية”، على حساب كلامها.

وقالت بللي أرباب الحمامات ماغايلقاوش صعوبة فالحفاظ على هذ النسبة، حيت ففصل الصيف الناس مكايجيوش للحمامات بزاف.

موضوعات أخرى

13/07/2020 12:11

الاستقلال: غادي نصوتو ضد مشروع قانون المالية التعديلي والحكومة تعاملت مع مطالبنا بمنطق الرفض وجعلات هاجس التوازن المالي الضيق أولية المشروع

13/07/2020 11:45

السلطات المحلية زيرات الطرح مع صحاب الريسطورات فكازا مع دخول المرحلة الثالثة للتخفيف. معاقبة 7 مطاعم فآنفا 2 منها تابعة لفندقين مشهورين بعد رصد خروقات للتدابير الوقائية من كورونا