وكالات //

نشرات الفنانة الإماراتية أحلام الشامسي فالكونط ديالها ف”سناب شات” فيديو من وسط طيارتها الخاصة وهي راجعة من عطلة صيفية طويلة دوزاتها لمدة شهرين فأوروبا.

واستعرضات أحلام تفاصيل الطيارة ديالها، من كراسا وتصميم وأثاث والبيوت ديال النعاس، وحتى “الخدم والحشم” اللي مرافقها فالرحلة، وراجلها اللي كان كيضحك وهي كتصور.

وعبرات أحلام على إعجابها وحبها لهاد الطيارة اللي كتستخدمها 9 سنين هادي، وقالت “هادي من أروع الطيارات اللي ركبت فحياتي.. أكثر رحلاتي الطويلة فيها أنا وولادي وراجلي”.

راجلها مبارك الهاجري اللي كان معاها فنفس الرحلة طلعها عليها وصور الشوبينكَ اللي دارت فأوروبا وقال أن أحلام راجعة للإمارات ب91 صاك، فالوقت اللي جاوباتو هي: “صافي غير 91 صاك”؟