كود كازا //

“الحضية” بعد المرات كيكون عندها أثر إيجابي على أمن المواطنين بحال كما جرى البارح بالليل بحي المشروع التابع إداريا لعمالة الحي المحمدي، بعد ما بقاو شي وحدين مجمعين فراس الدرب عاصرين على المتهم اللي في الثلاثينيات من عمرو وشكو في التصرفات ديالو..

وبالفعل الشكوك ديالهم كانت في محلها، بعد ما شافو بعينيهم كيفاش هاذ البيدوفيلي استدرج طفل صغير عندو 10 سنين وبغا يدخلو للدار باش يتكرفس عليه جنسيا والقضية تقدر تتطور بحال سيناريو عدنان فطنجة. غير حاصروه بانت النية ديالو ومقدر يخبي والو حتا جاو البوليس باش يديرو خدمتهم معاه..