عفراء علوي محمدي- كود//

الطوبيسات اللي كيربطو بين المحمدية وكازا توقفة على الخدمة اليوم.

شركة “ألزا” المكلفة بالنقل الحضري فكازا قالت، فبلاغ ليها، بللي الطوبيسات 900 و800 وm01 اللي كيديو من كازا للمحمدية والعكس مغيبقاوش خدامين، وهذشي امتثالا لقرار وزارة الصحة والداخلية القاضي بإغلاق 8 مدن للحد من انتشار فيروس كورونا المستجد.

وكان سبق للوزارتين صدرات قرارها نهار 26 من الشهر اللي فات، كتقول فيه أن السفر من وإلى كازا وفاس ومراكش وطنجة وتطوان ومكناس وبرشيد وسطات ممنوع.