عن الوكالات ///

صبحات لقتيلة البارح الاحد فميريكان بالقرطاس. هاد الدورة ديال القتل ما غادياش تسالي. فقد اعلن بوليس كاليفورنيا عن قتل 3 اشخاص وجرح 15 فمهرجان للماكلة. البوليس قال باللي قتل واحد مسلح اللي تسبب فهاد المجزرة.

هاد الشي وقع فاختتام مهرجان اسمو “گليروي گارليك” ضواحي مدينة سان خوسي فكاليفورنيا. الناس سمعات القرطاس كلشي تخلع. شهود عيان هدرو على رجل ابيض فالثلاثينات هو اللي بدا يتيري من مكحلة ديالو.

الاطباء فالمنطقة كيهدرو على 11 واحد حالتهم خطيرة وحرجة وهاد الحدث خلى كلشي يهدر بما فيهم دونالد ترامب اللي قال فتدوينة لمواطنيه “ردو البال”.

Law Enforcement is at the scene of shootings in Gilroy, California. Reports are that shooter has not yet been apprehended. Be careful and safe!

— Donald J. Trump (@realDonaldTrump) July 29, 2019