عفراء علوي محمدي- كود//

هذ الأيام الإصابات بكورونا فإقليم إنزكَان آيت ملول ارتفعو بوثيرة كبيرة، ووصلو فالمجموع ل2750 واحد تقاس.

وحسب مصادر محلية، فغير هذ الأيام تقاسو 8 ديال القابلات بالفيروس، وسيكيريتي، ومهندس صيانة، وحارس أمن خاص، فمختلف السبيطارات اللي كاينة فالإقليم. 

وفالصفحة ديالو ففيسبوك، قال الإطار الصحي فالإقليم، محمد المرابط، أن الوضع ولا خايب بزاف فالمنطقة، و”إذا قام جميع الأطقم بالتحليلات فلا محالة سنجد أكثر من 50% نتائجهم ستكون إجابية”.