وكالات //

مؤخرا هجمو عدد من القرودة فالجابون على الناس، وتسببو فجروح خايبة ل44 جابوني وجابونية فمدينة ياماكَوتشي (Yamaguchi)، فحادثة هجوم كتوقع لأول مرة فالمنطقة.

وعلنات السلطات المحلية بللي غادي تستخدم المكحلات ديال البنج باش تواجه من بعد أي هجوم محتمل للقرودة على الناس.

هاد القرودة من فصيلة “المكاك” (Macaca/le Macaque)، اللي كاينة بزاف فأرخبيل الجابون، ومعروفة كتدخل على الناس فديورهم، وبعض المرات كيشفرو الغلة من الفيرمات.

وماكانوش هاد القرودة عدوانيين قبل تما ولكن فالأيام الأخيرة ولاو كيبرزطو بزاف، ونهار 25 يوليوز الفايت هاجمو 44 شخص وبقاو كيشلخو فكلشي، حسب بعض السكان ديال المنطقة.