كود هناء ابو علي ///
قضية الصحافي توفيق بوعشرين خدات منحى جديد وغير مسبوق فالمغرب. تقرير لمجموعة العمل من اجل الاعتقال التعسفي التابعة للامم المتحدة واللي مقرها جنيف ضربة للقضاء للمغربي للدولة المغربية. تقرير كيؤكد دعوات سياسيين وحقوقيين باش يتم التعامل مع مدير نشر اخبار اليوم سابقا ومؤسسها بطريقة مغايرة. السيد ضربوه ابتدائيا ب12 عام ما عجبات الا اللي قلبو يغبرو ليه الشقف.
ففي تقريرها اللي فيه 20 صفحة دعا التقرير الى اطلاق فوري للصحافي اي يخرجوه اليوم قبل غدا. هاد الشي جا بعد ما وصل محاميه الانگليزي قضيتو للامم المتحدة.
دابا ما فيهاش غير دعوة لاطلاق سراحو وتعويضو بل بعدم تكرار هاد الاشكال من الاعتقال التعسفي
ودابا شكون تضرب وعلاش نوصلو لهاد الشي كولو كاع. لبلاد خاصها تكون كبيرة وخاص كلشي يحافظ على صورتها اللي دوليا. ناضو سياسيين وحقوقيين بحال اسماعيل العلوي وامحمد خليفة ومحمد اليازعي واخرين وكالو هاد الشي ماشي معقول ما داها فيهم حد. وشفتو فين وصلنا
