كـود : عمـر المزيـن//
واش هاد التلاميذ بغاو يرجعونا للسيبة. عاوتاني حالات جديدة ديال الاعتداءات بالضرب والجرح تطال أساتذة فمدن ومناطق مختلفة. وعلمت “كود” أن أستاذة بثانوية الحسين بن علي بالحي المحمدي، تعرضت أمس الأربعاء، لاعتداء شنيع بسلاح أبيض من طرف ٱحد تلاميذ المؤسسة. هاد الاستاذة مسكينة كانت خارجة من المؤسسة وتعرض ليها هاد التلميذ وخسّر ليها وجهها.
حادثة أخرى مماثلة وقعات في نفس اليوم، وكانت ضحيتها استاذة لمادة الرياضيات بثانوية عبد الكريم الداودي، التابعة للمديرية الإقليمية للتعليم بفاس. هاد الاستاذة هرّس ليا شي تلميذ فمها وحصلت على شهادة طبية ومزال ممعروف الأسباب ديال هاد الحادثة.
وزيادة على هاد جوج اعتداءات كاين حالة أخرى سجلت فإقليم برشيد. وحسب مصادر تربوية، لـ”كود”، فإن تلميذة تتابع دراستها بالسنة الثالثة إعدادي بالثانوية الإعدادية الشاطئ بسيدي رحال قامت بالاعتداء على أستاذتها لمادة الفرنسية بواسطة قطعة زجاجية.. هاد الاعتداء وقع داخل القسم بسبب خلاف بسيط بين التلميذة والاستاذة الضحية.
