نجوى المالحي-كود//
الفنانة اللبنانية نيكول سابا منوضة حالة في الانترنت بعدما اختارت تعلن خبر حملها من زوجها الممثل يوسف الخال بتصويرة ديال سبع طالع فوق لبؤة وهو في حالة انتشاء وكيمارسو الجنس.
التصويرة لي حطات نيكول خلاتها محط انتقاد بزاف ديال المتخلفين لي جاتهم صادمة، مع العلم أن الأصل في كل حمل كيكون بممارسة الجنس سواء عند الحيوان أو عند بنادم.
من بعد الجدل دارت نيكول فيديو وضحات فيها أنها للاسف محاملاش وقمعات كاع لي انتاقدوها وقالت “أنا انسانة متصالحة مع راسي وراجلي والناس لي دايرين بيا. وماعندي ماندير بالمعقدين والمكبوتين لي كيتخباو مورا صباعهم. وباش نكونو واضحين أنا ماغاديش ندخل الجنة خليتها ليكم. متبقاوش تصدعوني بأمور تافهة. وأنا لي كيعرفني عارفني حمقة. وكعما كنتسوق”.
وموضحاتش سابا قصة التصويرة، غير اكدات أنها ملي غادي تكون فعلا حاملة غادي تعلن على الخبر بطريقة أوريجينال كثر.
