كود كازا//
هاذ الأيام شابكة بلاغات وبلاغات مضادة. الهدوء الذي يسبق العاصفة هو الوضع اللي كاين فلانابيك. عبد المنعم المدني المدير العام للانابيك، رفض يحول 120 مليون سنتيم اللي تمنحها الإدارة العامة كمنحة سنوية لجميعة الاعمال الاجتماعية.
جمعية الاعمال الاجتماعية تقول أن الإدارة العامة باغية دير الخدمة ديال جمعية الاعمال الاجتماعية والمدير العام باغي يستغل هاذ الجمعية باش يقوي نفوذ حزب العدالة والتنمية.
هذا الصراع كيختزل صراع بين حزب الاستقلال والبيجيدي. المدير العام الي كينتمي للعدالة والتنمية وهو رئيس مقاطعة بالرباط، وعضو الجهة، كيبرر عدم صرف المنحة بعدم احترام مسك المحاسبة المحاسبة المالية وفق التعيير المحاسباتي.
الموظفين ديال الوكالة اللي كيستافدوا من خدمات جمعية الاعمال الاجتماعية، كيطالبوا المدير العام يطب القانون فقط، بمعني يا إما يحول المنحة كيف العادة، أو يدفع الملف ديالها للشرطة القضائية لكانت شكوك، أمام هاذ التجاذب راه كيضر بمصالحهم لا سيما أن هذا الوكالة عند وضع استثنائي فنظام التعاضد اللي معندهاش ويلاه عندها تأمين فقط، إضافة للخدمات الاجتماعية اللي كتبقى ضعيفة.
