ممثل تركي مشهور شرا مدرسة وريبها.. نتاقم من المعلمين لي كانو كيضربوه ملي كان صغير
كود سعيد الشاوي كازا ///
خرج فالجريدة الرسمية للكوت ديفوار باللي شركة “اوزون كوت ديفوار” اللي عندها مارشي رقم 2019/0/1/0251/08/72 باللي الوكالة الوطنية لتدبير الديشي “اناجيد” قررات تسحب المارشي من الشركة المغربية “اوزن” بسباب عدم التزاماتها بدفتر التحملات باش تجمع الزبل ف”باسام” و”بونوا” و”اسيني” و”ابواسو” بالكوت ديفوار.
قرار فسخ العقد غادي يكون فشهر ماي الجاي. قيمة العقد 8 مليار و451 مليون و850 الف و300 فرنك فرنسي.
هاد القرار خلى السلطات المغربية تتحرك. وفق ما علمته “كود” فقد تم فتح تحقيق علي ظروف فسخ هاد العقد. حقاش ايلى كان تقصير من الشركة راها شوهة للمغرب وضرب لسياسة محمد السادس فافريقيا وغادية تكون قرارات ضد هاد الشركة٬ لان دخولها لافريقيا كان بدعم من الدولة٬ ولكن ايلي كانت الشركة مظلومة غادية الدولة دافع عليها